وجهت مجموعة وينرز رسالة خاصة لمدرب الوداد، الحسين عموتة بعد خسارة نهائي السوبر الإفريقي أمام نهضة بركان السبت المنصرم.
وأوضحت المجموعة في رسالتها أن الجميع غاضب وحزين لخسارة السوبر الإفريقي بتلك الطريقة أمام نهضة بركان.
وأكدت المجموعة في بلاغها:”ماكينش شي ودادي مكعاش وماطلعش ليه الدم كاملين فنفس السفينة وتا واحد ماعندو الحقيقة على لاخر هادي كورة لي فأي لحظة كتقلب الأمور .”
وبخصوص رسالتها لمدرب الفريق الحسين عموتة:”عندنا مدرب لي خاصو يصحح الاخطاء ويراجع راسو كيفما دا معانا البطولة والعصبة بتشكيلة ناقصة اليوم عندو خيارات والوقت لي ماكانش راه كاين توقف دولي ..”
وأضافت:”يعني فلماتشات جايين ماعندوش أعذار … ”
وتابعت:”تايقين فهاد الفرقة ، لي كيشجع الوداد راه هاد لعابة وهاد المدرب لي كاينين دابا خاص نوقفو معاهم ، كيما وقفنا مع لي قبل منهم . ”
وزادت:”ماعندناش اليوم حلول من غير نوقفو مع الفرقة نراجعو راسنا حنا الاولين باش تكون ردة الفعل ايجابية وكل واحد منا يتحمل مسؤوليتو بلاصت فكل خسارة نبداو نوزعو الاتهامات … ”
وختمت المجموعة بلاغها بدعوة الجمهور الودادي إلى الالتفاف حول فريقه بالقول:”ايلا كنا بصح عائلة ، خاص نتاحدو ونعاونو الوداد ، لي طرا راه طرا نشوفو للقدام مانخليوش الفرصة للدخلاء والمتربصين . “
